Помина уште една фестивалска вечер во знакот на добрата музика, вкусната скара и ладното пиво. Посетителите уживаа во богатата музичка програма. Организаторите се задоволни од тоа како помина и третата фестивалска вечер, а особено од фактот што целата фестивалска забава изминува во најдобар ред и мир, а хигиената е на високо ниво.

Сите патишта за љубителите на ладното пиво, вкусната скара и убавата музика, синоќа водеа кон Прилеп. Огромен број на граѓани од сите градови од Република Македонија, дојдоа во градот под Марковите кули за да бидат дел од годинешното 16-то издание на „Пивофест 2018“.

Дел од музичката понуда на третата вечер на „Пивофест 2018“, е и групата Next Time. Групата за прв пат во нивната 10 годишна кариера настапува на „Пивофест“, што е мотив плус да им ги докажат своите квалитети на македонската и, особено, на прилепската публика.

Љубителите на „Пивофест 2018“, туристи од другите градови и гости од соседните земји и пошироко,можеа да се видат на синоќешната забава, во втората фестивалска вечер во Прилеп. Сите тие уживаа во одличната забава со познатите хитови на: Ван Гог, Дарио, Црвена Јабука и ДЈ Мозел.